Re-post: Bos, Para Po sa Real World

(Because it’s graduation season, I’m reposting something I wrote for my fresh grad self in 2006. That was ten years ago! But I think whatever I was feeling here as a fresh grad still rings true to at least one fresh grad today who used to think she cam change the world then started to doubt herself as soon as the first job rejection e-mail came. K lang ‘yan, gurl. Sabi nga ni Mace sa Tadhana-I know it’s so conceited of me to quote my own film, pero pagbigyan mo na ako, tutal alas-dose naman ng gabi, may excuse gumawa ng kabaliwan-“To the great people we will be.” See you at the Real World, fresh grad.)

Bos, Para Po sa Real World*

“I like dead end signs. I think they’re kind. They at least give the decency to let you know you’re going nowhere.”  –Bugs Bunny

TSK, HINDI PA naman uso sa Makati ang dead end signs.Pagka-graduate ko mula sa college, kasama ng aking invisible diploma ang pag-asang kusang nabuo sa loob ng unibersidad. Na gagawin ko ang gusto kong gawin. Na kikita ako ng malaki kada buwan. Na magiging direktor ako ng pelikula. Na hindi ako kakain ng pride at prinsipyo. Na babaguhin ko ang mundo. Tapos, hindi pa ako nakaka-tatlong buwan, parang biglang may bumatok na agad sa’kin.

Bugs Bunny, ikaw ba yan? Medyo masakit a.

Ladies and gentlemen, iyan ang idealismong lasang fresh grad. Mapait.

Ang panghimagas, disillusionment. Hindi matamis.Dati, pawang konsepto lamang si Real World. Napag-uusapan, nasuusulat, nababasa, pero hindi ko pa talaga nakikita. Parang isang sikat na artista na mailap sa media. May tsismis nang malupit nga daw siya sa personal. Pero sus, walang malupit na konsepto sa isang optimistic na fresh grad.

Hindi pa man ako nag-papa-autograph sa kanya, nalaman ko na agad: Walang optimistic na fresh grad sa isang malupit na konseptong nag-anyong tao na.

Baka naman na-starstruck lang ako. O di kaya, sa bilis ng transition mula kolehiyo pa-Real World, inatake ako ng biyahilo. At walang malapit na Bonamine. Pero sabagay, sino ba naman ang napadpad sa Real World nang handang-handa? Nang hindi nasindak? Nang hindi nanibago? Nang hindi muntik na’ng umayaw? Uso nga siguro yan ngayon—ang mga fresh grad na nabigla sa Real World. Sa totoo lang, hanggang may mga fresh grad na hitik sa idealismo, hindi yun mawawala sa uso. Classic.

Buti na lang.

Dahil sa loob ng Real World na talamak ang inggit, gulangan, siraan at oo, mediocrity, masaya pa ring isiping may bagong dating na kinang na hindi pa nahahawa sa star complex ni Real World. Hindi lang basta glossy shine. Fresh grad shine.

Kaya siguro hindi dumidilim sa Makati, lalo na sa bawat pagtatapos ng semestre. Pero kung kailan pupundido ang kislap na yun, hindi ko alam. Sa ngayon, maraming fresh grads ang nabukulan sa pagkauntog sa biyahe pa-Real World. Na naguguluhan kung iyon na ang trabahong gusto niyang panindigan (na ikukonsulta kay Pangarap o Prinsipyo). Na inaakalang napunta sila sa isang madilim na dead end na walang dead end sign. Na kung saan ang tanging ilaw ay mula sa sarili at lumalamlam pa. Tsk, e hindi naman pwedeng sisihin ang Meralco.

Napakabata pa ng fresh grad para maging cynical na agad sa mundo. Oo’t na-disillusion nga, pero para saan pang naging fresh grad kung hindi innate ang pagiging optimistic? Sigurado ako, habang ang isang kamay ay nakapangalumbaba, ang kabilang kamay naman ay mahigpit pa rin ang hawak sa isang supot ng pangarap at idealismo.

Huwag lang mabubutas. ##

*originally written on November 17, 2006 at http://directed-by-ilaya.blogspot.com, one of my earliest blogs. It’s still alive, by the way.

Advertisements

7 Comments Add yours

  1. Kizzel Mina says:

    I must admit I had read it soooo many times esp. when I was also a fresh grad. Favorite ko to, direk! Yun lang. Dami kong sinabi. Hehe. 💕

    1. ilayaonline says:

      Huhuhu salamat 🙂

  2. Nako, nakakabyahilo pala sa Real World. Makapagbaon nga ng bonamine.Hahaha. Thank you for this direk! This is just what I needed. Graduating this June 2017! #GradweytngUPMaskom

  3. Reblogged this on Maria Criscel's and commented:
    Para sa lahat ng ba-biyaheng Real World na.

  4. yc says:

    hahaha naalala ko yung mga panahon na fresh grad ako at binabasa ko to tas tawa ko ng tawa na naiiyak na hindi alam kung saan ba yung daan kaya lagi akong naliligaw (literal sa interviews) ngayon eto na naman ako feeling fresh grad 2 years after iniwan ko ang first job ko sa kadahilanang umaasa pa din ako na makakatagpo ko yung para sa akin na trabaho, yung magpapangiti sa puso ko pero wala palang bibig yung puso ko kaya eto ako ngayon hilong hilo.

    1. ilayaonline says:

      Go lang nang go!!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s