Walang permanente sa mundo, tattoo lang

Magpapa-tato dapat ako bukas. “Ilaya” na alibata sa bandang likod ng tenga. Pero hindi na. Hindi na muna.

“Bakit ka ba magpapa-tato ngayon?” tanong sakin ni Glenn. Halatang medyo naiirita dahil sa biglaan kong pag-isked na magpa-tato.

“Wala, gusto ko lang,” sabi ko. “E magpapa-tato naman talaga ako sa buong buhay ko e, hindi ko nga lang alam kung kelan.”

“E bat nga ngayon?” sabi ni Glenn. Relax Glenn, chill.

“Ewan.” Napatahimik ako. “Sabi ko dati, papa-tato ako kapag may milestone buhay ko.”

“O e ano’ng milestone ngayon?”

Gusto ko sanang sabihin, “wala”, pero ang rhetorical question, kapag sinagot mo, may tanga. Kapag sa inis mo pa sinagot yun, doble tanga, may taas-kilay pa.

“Feeling ko kasi parang urge mo lang yan ngayon e. Parang pottery, parang glassblowing, parang streetdance,” sabi ni Glenn.

“Sige sige, maghihintay na lang ako ng milestone, kung anuman yun.”

“Edi mas masarap yung tato.”

Parang ang sarap nga isipin nun. May punto ka Glenn. Nagsalita uli ako, “Magpapa-tato ako kapag magawa ko na yung first film ko. Full-length ha.”

“O sige ba,” sang-ayon naman siya. “Ako, magpapa-tato kapag ma-publish ko na ang unang libro ko.” Inextend nya sakin ang kanang kamay nya. “Deal?”

Kinabahan ako dun a. “Ehh… Pano kung 50 years old na ko makagawa ng first film ko?”

“Edi 50 years old ka magpa-tato!”

“O sige.” Napalunok ako dun a, pero kinamayan ko na rin siya. “Deal.”

Glenn, two years from now, may tato na ko. Itaga mo yan sa bato.

I-tato mo pa kamo.#

6 Comments Add yours

  1. incommunicative says:

    Andun ako sa premiere!

  2. chino says:

    ummmhhh…malapit ko na pala mapanood ung movie mo n matagal ko na hinihintay…hehehe

    hope you still remember me…

    chill!!!

    1. ilayaonline says:

      hoy chino. san ka naglalagi at bat ngayon ka lang uli napadpad? haha. anong movie yan? *kaba kaba*

  3. Maria Mercedes Benz says:

    Napadpad lang po ako dito randomly. Promise di po ako stalker, nakita ko lang sa ig nyo yung link tapos nagclick ng random month (nag-explain talaga haha) Anyway, natuloy po ba yung tatoo, since, you know, natuloy yung full-length nyo? hihi

    1. ilayaonline says:

      Shet, ang tagal ko nang sinulat ‘to. Yes, natuloy ‘yung “ilaya” tattoo–pero pina-tattoo ko ‘yun bago pa ako magka-pelikula. Daya ‘no? May 3 tattoo na ako ngayon, actually. ‘Yung huling dalawa, nung 2013 lang. Wala ring milestone nung pina-tattoo ko. Hindi talaga ako nakikinig sa sinasabi ko minsan hehe. Salamat sa pagbasa!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s